香香操拳夠狠 與琳共武
由錢國偉（Wilson）執導、黃永峰監製的新片《辣警霸王花》昨日進行搏擊訓練，主演的岑麗香、何佩瑜（Jeana）、余曉彤（Hidy）、梁琤、蔡潔及新人崔碧珈齊集練拳，眾人均打得有板有眼！
Wilson透露江若琳將有份參演飾演女飛虎，不怕對方正與其公司出現合約糾紛，最快下星期可加入操練：「我哋照正手續簽約，佢經理人同本人都話冇問題，相信佢唔會錯過好角色。（唔怕陳靜甩底事件重演？）兩個人唔同嘅！而且今次有事都冇咁傷，有好多女仔可以調配。」
外表甜美的香香練拳時狠勁十足，她表示知道江若琳曾為電影練舉重，對拍戲很有心，希望兩人可合作：「聽聞佢好勤奮，我都要操得更努力，我想肌肉練得firm啲！（打贏佢？）咁又唔係，我哋同一team o架！」Jeana及Hidy表示會努力練出人魚線搶鏡，提到江若琳，Jeana認為應尊重合約精神，希望對方可演出，Hidy則笑言若對方辭演，望可頂上爭取更多戲份。