懷孕三個多月的藝人陳爽昨日在尖沙咀出席活動，谷出兩吋事業線，並穿3吋高踭鞋晒美腿。她出場時以披肩遮肚，非常保護腹中寶貝。
肚凸凸的陳爽稱現時胃口大增：「懷孕之前以為想食乜就食乜，原來要戒食魚生，不過依家夜晚想食就食，都有啲安慰。（有冇不適？）BB同我好夾，得一、兩次朝早唔舒服，好好彩！（有冇升Cup？）係豐滿咗少少，喺屋企唔戴Bra，去廁所都要用手托住（咪咪），驚會下垂。」她更透露現獲老公「女王級」的照顧，大晒幸福：「不嬲都對我好，依家就更加（好），使佢都無怨言！」
