阿倫籲政府建廁解矛盾

剛從廣西完成「左麟右李」演唱會的譚詠麟，昨日與楊千嬅到銅鑼灣出席願望成真基金活動。近日因內地小童在鬧市便溺被港人拍下過程，小童父母與拍攝者發生爭執，事件放上網後引來極大回響，除揭開兩地網民新一輪罵戰外，內地傳媒亦廣泛報道事件。

文化不同要溝通

向來關心時事的阿倫對此表示：「兩地文化唔同，大家一定要溝通。」他又建議政府：「既然政府要吸引內地遊客，係咪旅遊發展局佢哋應該要向內地宣傳多啲？而且配套上要做好啲，例如整多啲流動洗手間。始終針冇兩頭利，你吸引得遊客嚟就要做多啲嘢方便大家，當然隨街大小便亦係犯法！」

提到中港矛盾問題，阿倫滔滔不絕地講述自己觀點。

千嬅在台上與小朋友傾到手舞足蹈。

提到昨日活動主題是幫小朋友實現願望，問阿倫可會考慮為兒子達成願望？他笑說：「等我遲啲問吓佢啦。」

千嬅拒日做夜做

近日忙宣傳電影的千嬅坦言若想幫兒子Torres實現願望，最理想是為他增添一位弟弟或妹妹，她說：「我都好想，但今年真係冇時間，希望出年可以。」自言貪心的她又稱：「如果可以畀我開埋個演唱會先生就最好。」問可會同步進行？她笑說：「咁好攰，日又做夜又做。」

文：音樂組