廖碧兒肉緊貼面 勁抽發哥水

廖碧兒笑言唔行山唔知自己身體差。

廖碧兒昨日在微博大談行山經，透露第一次成功完成15公里路程，雖然山路有點滑及行到心跳加速，依然未有放棄。她寫道：「好彩有經驗的partner發哥鼓勵！Never give up & everything is possible！」並上載與發哥行山合照，見她非常肉緊，冧爆地與發哥面貼面影相，可謂抽盡發哥水。廖碧兒好友苟芸慧亦在微博上載行山自拍照，相中的她行到出汗，她留言：「愛大自然，愛行山！堅持到底，做自己。」

外籍男冇同行

昨日廖碧兒出席新書發布會，身形弗爆的她表示近期經常行山：「每逢星期六、日都喺內地工作，咁啱之前周末返得切嚟，咪同埋爹哋一齊行山，佢行得叻過我。」她又自爆初時行到氣喘：「我有次行到心跳（加速），想坐低，即刻被行山友鬧，但我真係行到頂唔順。」她承認與發哥、苟芸慧一同行山，透過共同朋友才認識：「如果冇行山友鼓勵，我可能碌咗落山都唔定，何況有人鼓勵會好啲，尤其發哥咁靚仔，有佢鼓勵，第二道氣都返嚟。」問到紅酒外籍男有否一齊行山？廖碧兒笑言：「冇外籍人士，而且佢都唔係住香港。」

難得有機會親近偶像，廖碧兒冧爆地貼着發哥面珠影相。	苟芸慧亦有與廖碧兒、發哥一齊行山。	楊崢

同場的名模楊崢姍姍來遲，戴黑超的她透露起床時右眼發炎，但未有時間看醫生。問到男友黃宗澤知否知她眼睛發炎？她說：「屋企人都好關心，我冇事，大家放心。（同黃宗澤有冇聯絡？）唔好意思，唔可以一一透露。（依家感情狀況？）一日未結婚，一日都係單身！」活動後，楊崢乘的士返鰂魚涌寓所。另外，原本出席活動的李嘉欣，因染上惡菌尚未痊愈而缺席。

文：名人組