王祖藍自貶視帝冇行
王祖藍主演的劇集《食為奴》收視理想，無綫行政主席梁乃鵬博士昨晚筵開十圍慰勞台前幕後。不過祖藍自嘲「唔靚仔」和「演技浮誇」，未有信心奪視帝，惟有寄望奪「最佳劇集」獎。
無綫行政主席梁乃鵬昨晚在無綫電視城餐廳宴請《食為奴》台前幕後仝人，現場筵開10席，藝人王祖藍、萬綺雯、胡定欣、何雁詩、黃智賢、助理總經理區偉林等共過百員工出席。《食》劇收視理想，問主角王祖藍會否有意拍續集？他說：「係都開《老表，你好hea！》先啦，兩套劇拎晒全年收視第一、第二位最好。」問到會否擔心《女人俱樂部》脫穎而出，他說：「佢有咩成績我都有功勞，我有份拍宣傳片o架。（你咁多劇想拎視帝？）我唔靚仔，演技又浮誇，邊輪到我吖！拎『最佳劇集』就大家開心。」
Bob安德尊唔夾口供
同場，與安德尊傳不和的林盛斌（Bob）否認傳聞：「冇咁嘅事，冇嗌交，我冇叫佢收皮。我哋識咗好耐，平時都只係鬥吓嘴。」但安德尊卻大唱反調：「有不和呀，佢紅得好緊要，成日都叫我收皮。」問二人會否再合作節目《年代大激鬥》續集？Bob表示「應該會」，但安德尊說：「我唔想佢喺度，叫佢返新城啦。」
亞視出身的萬綺雯，被問到亞視遭入稟清盤，會否擔心舊同事冇咗個飯碗？她說：「當然希望大家繼續有份工。（慶幸走得快？）好難評論，都係繼續做好自己。」她又透露兩個月內兩貓相繼離世，因而哭到生眼瘡。張繼聰被問到薛凱琪是否與他太太謝安琪似樣時，他說：「各有各靚啦！一個人靚唔靚仲要講內涵。我都係鍾意太太呢一種，男人婚後賀爾蒙會改變，就算見到靚女都唔會同太太比較，囝囝都話媽媽係全世界最靚。」
文：影視組