黎芷珊何倍倩有幸揸手合照
金秀賢魅力沒法擋，昨日大批星級「金粉」追捧偶像，包括黎芷珊、黃芷晴、黃美琪、無綫高層樂易玲、龔嘉欣、樂瞳、名模姚書軼、歐陽妙芝及恒生新抱何倍倩等！當中黎芷珊及何倍倩被抽中獲得金秀賢親筆簽名海報，及在粉絲見面會跟偶像合照，非常幸運。
黎芷珊事後high爆說：「真係好開心！張海報要擺喺枕頭隔籬，每朝起身錫一啖。（有合照？）係呀！但唔畀我用手機影，我同金秀賢握咗個手，佢好nice。」何倍倩到場時即攬實金秀賢紙牌興奮合照，笑言不怕被老公鬧：「佢唔介意，平時我哋一齊煲劇，都中晒『劇』毒！」合照後她透露韓國事務所方面相當嚴謹，禁止她們用手機拍照，事前更出動保安「扮金秀賢」企位，綵排後真身才出場，與她們合照及握手，她大讚偶像高大又靚仔。
樂易玲大讚金秀賢皮膚好面色靚，龔嘉欣見到偶像時竟忍不住尖叫！從內地趕返港的黃日華女兒黃芷晴自爆母親梁潔華也是星星迷，歐陽妙芝則讚金秀賢新劇有令女士蜜運及回春的感覺。
