傳江若琳貼錢打工 林小明：唔好扮可憐！
江若琳（Elanne）出道時與寰宇簽下10年死約加5年生約，死約於下月4日到期，即傳出雙方關係決裂，近日不斷爆出Elanne多年來收入與支出不相稱的消息，昨日更有指她每月向公司墊支3萬多元生活費，工作酬金僅分得4成，加上接騷時的化妝、髮型費及祝捷會的蛋糕支出，統統都由她埋單。
昨晚林小明出席杜琪峯生日會，被追問與Elanne合約糾紛一事，他稱：「聯絡唔到。（追究到底？）唔係追究，但要尊重合約精神嘛，簽得就要接工作，你估我好想煩咩？（Elanne接受訪問時聲淚俱下喎。）唔好扮可憐啦！」
另外，林小明亦有接受電話訪問，他否認欺壓Elanne﹕「總之工作上用嘅錢，公司一定出！會唔會有人貪心，想攞多啲咋？公司高層阿標有搵過佢，不過佢話交咗畀律師處理，所以冇嘢講，總之佢死約5月4日到期，如果之後佢拒絕履行合約接工作嘅話，我哋就會採取法律行動。」對於有指Elanne經濟拮据，他謂：「佢有車有屋住，點會冇錢呀？會唔會有人支出大過收入呢？（江媽媽叫佢唔好做。）講啫，如果真係咁，都quit（叫停）好耐啦。」而Elanne則稱已交律師處理，故不作回應。