古天樂遭細路虐待
影星古天樂、楊千嬅、曾志偉及陳靜等前晚出席電影《香港仔》首映，古仔表示最近連接四部戲及狂拍廣告，整個四月都要「周圍飛」，笑言忙到忘記日子，對於戲中女兒表示喜歡他，古仔表示向來有小朋友緣：「佢哋話睇我喜劇覺得我好Funny，可能我好恰，會普通虐待我，搣吓我咁。」
千嬅表示會盡量抽空享受家庭樂，日前更抱起30磅的囝囝落山當做gym，問到兒子性格，她說：「佢OK乖仔，唔會易喊，依家佢學緊人講嘢，所以我同老公（丁子高）講嘢要盡量小心，講電話都行埋一邊。」活動上，大會送上大花牌祝票房理想，千嬅突然狂笑指似夜總會，又叫導演彭浩翔「收嘢」，場面搞笑！
