莊思敏讚宇宙丹最佳人選
對於有外國玩嘢網站指甄子丹被荷里活片商垂青，欲邀他於電影《007》出任第7代「007」，剛與子丹合作完電影《3D冰封俠：重生之門》的莊思敏（Jacquelin）與雨僑，同聲指子丹絕對有能力勝任角色，Jacquelin不諱言子丹被喻為「宇宙最強」，身手毋須懷疑，更狂讚對方：「佢人又有魅力，英文又流利，呢啲係基本要求，同埋佢出晒名細心，咁『007』個角色要同好多女演員做對手，真係要有佢呢種咁有耐性嘅人，先至可以令到個環境合作愉快。」
而雨僑亦讚子丹有型兼有款，身手也絕對非凡，不過與角色有不符的，便是子丹形象太住家男人，她謂：「『007』係風流浪子，但相信丹爺咁專業，應該都營造到個感覺出嚟，同埋同子丹開工好處就係，佢永遠都係好準時，幾早開工都唔會遲到，狀態真係fit到漏。」
