張家輝反叛派封帝轉演技

本屆五位候選影帝各有特點，偉仔於五屆金像獎內先後「稱帝」，而家輝年前憑《証人》橫掃7獎成「史上最強」，至於古天樂今次被喻為有「爆seed」演出，及秋生與青雲演技同樣不容置疑。憑林超賢執導的《激戰》，再度入圍的家輝接受訪問坦言對輸贏得失抱以平常心﹕「我比較幸運，過往有唔少呢方面嘅經驗（獲提名），當中試過贏亦試過輸，所以學識放鬆咗唔會去諗，平常心囉，我表裏如一嘅。」

與林超賢夠晒夾

談到四位對手，家輝笑謂：「唔係講假，個個都係好朋友。（比較睇好邊個？）真係唔知，坦白講每個地方頒獎禮機制都唔同，入到圍都好嘢嚟。唔單止幕前，幕後都一路為香港電影發放正能量，我同我哋嘅後代都係受益人，都值得表揚。」問到家輝倘若再次成為影帝，如何獎勵自己，他二話不說答：「唔使啦，不過我會喺演技方面大調動式重整自己，冇理由繼續畀一樣嘅嘢觀眾睇。我係一個反叛演員，亦敢於喺表演工作上冒險，林超賢最清楚我呢方面，我做嘅成日同佢嘅要求大相徑庭，但佢都接受咗，所以彼此合作愉快。」

張家輝直言若再封帝，會在演技方面作出調整。	張家輝於片中爆肌造型紅極一時。	《掃毒》

古仔睇好劉青雲

至於古天樂憑《掃毒》入圍角逐影帝。近期勇於作出不同嘗試的他，戲內表現令人刮目相看，被形容有機會作出「零的突破」，不過古仔接受電話訪問卻謙稱：「有得入圍已經好開心，得唔得到獎，真係唔係自己可以控制到，所以都係平常心囉。」至於一眾對手中，他個人比較欣賞劉青雲，且打趣：「大家拍同一套戲，梗係睇好佢啦。」至於金像獎當晚，古仔已落實出席支持。

梁朝偉今次憑《一代宗師》入圍，不計籌備拍攝期整整長達超過五年，苦練詠春曾受傷斷手，付出實在令人動容，其演技同樣不容置疑，就如劉嘉玲曾公開表示：「我相信都冇乜人會話梁朝偉做戲唔好。」倘若偉仔最終勝出，相信亦不算意料之外。

攝影：黎志輝

化妝：Midco

髮型：Edmond Fung

文：影視組