錢嘉樂中3車牌 成龍欽點「生生生」

成龍前晚舉行「成龍開心60生日會」，過百圈中好友獲邀出席，場內賓客楊采妮、洪天明與周家蔚亦成功與大哥合照，氣氛熱鬧。生日會上成龍表現興奮，邀請好友曾志偉、黃杏秀等一同上台切蛋糕。三層高的生日蛋糕有成龍從影電影角色圖案，頂層更有「Q版成龍」公仔，相當有趣。生日會到晚上十時嘉賓開始陸續離開，習慣早睡的胡楓和肥媽率先「散場」，「溫拿」則玩至凌晨離開，譚詠麟指因翌日要為演出綵排，故不能玩得太夜。

學友做咪霸

任達華駕車離開時，表示在抽獎環節中David Lo（盧大偉）抽中了大獎電動車：「不過佢以為係剷草車，仲以半價賣咗畀人。我就抽到相機，會畀女兒用，而打印機就自己用，女兒影相，幫佢打印，增進父女感情。」他又指生日會上張學友唱了多首歌曲：「最後都係佢揸住支咪，杜德偉唱咗首《HELLO》。成龍都飲到半醉，大家仲約定60年後再玩過。」

錢嘉樂與太太湯盈盈開心表示絕不將幸運車牌轉讓。

楊采妮亦有出席為成龍賀壽。

得校長帶挈

而錢嘉樂可說是最幸運，抽中了三個有「EASY」意思的車牌，分別為「EZ3」、「EZ33」、「EZ333」，他與太太湯盈盈離開時，開心表示：「啱啱我有三架車，不過頭痛係我啲舊車牌唔知點算好。（大哥不希望得獎者轉讓）當然唔會啦，我都希望個女長大都用呢啲車牌。」其後他表示個獎原本係成龍抽了出來，但突然譚詠麟到場才叫他再抽：「就係咁抽中咗我，所以要多謝校長，除咗畀我做《左麟右李》嘉賓喺紅館唱足十二場外，仲抽到車牌畀我。」他又指生日會上氣氛非常好，離奇是曾志偉全晚企喺度清醒無醉意。而黃杏秀與陳百祥、方中信離開時亦表示「入面玩得好開心」。

文：影視組