金剛揀傢俬專吼平貨

金剛與陳蕊蕊拍拖半年多，已火速同居，日前約晚上9時，兩人拍拖到九龍灣一間大型連鎖店選購家俬。只見金剛專睇價錢便宜，約180元的座地燈，就連燈膽也不放過，身旁的蕊蕊亦手指指，提議男友揀選價錢較貴的座地燈，但金剛未有理會堅決揀平貨，冇癮的蕊蕊即嘴扁扁兼咬手指，索性撇下男友往另一邊睇其他燈飾，金剛揀夠後便往排隊付款。