Rosemary名模好友做婚禮顧問
早前宣布與男友Jason訂婚的Rosemary，昨晚出席活動時，表示已婚的名模好友如Ana R.、Cara G.和Jocelyn都成為她的婚禮顧問，她說預計婚禮在明年舉行，地點在香港：「我同Jason想先專注手頭上的工作，佢想開餐廳，同埋做啲音樂工作，我就忙於搞網上商店，希望可以拓展中國市場。我哋唔想太急，咁會畀自己壓力，想多啲時間準備。」
同場還有莫文蔚媽咪莫何敏儀、太子珠寶鐘錶珠寶主席鄧鉅明夫婦、羅霖和呂珊等，早前莫文蔚爸爸突然離世，近日莫文蔚搬回家與媽媽同住，莫媽媽開心地說：「佢好乖，已經搬緊嘢，日日車尾一大箱搬嚟，由佢17歲離開屋企之後，廿幾年冇同我住，依家同我住心都甜晒。」問她女兒是否視媽咪第一位，她說希望女兒視老公第一位，指女兒是事業型女性，熱愛工作，不會要求她生BB，反而會逼她吃東西，希望同住期間令女兒增磅。
