傅嘉莉善心爆棚 擬搞基金

傅嘉莉（Kelly）昨日以建屋大使身份出席慈善活動誓師儀式，她表示自己出任了一年建屋大使，現在正式交棒給巨聲幫出身的歌手陳慧敏，不過她仍想繼續做多些慈善工作。

生日捐錢

Kelly說：「可能遲啲會成立慈善團體或者基金去幫助更多人，希望自己有能力可以做得到，好像莫文蔚同趙式芝咁，出錢出力，身體力行去幫人，我今年生日都有捐咗一筆善款畀慈善機構。」談到出任建屋大使期間有甚麼難忘事，Kelly表示之前跟隨義工到了廣東幫當地村民建屋，看到村民的住屋情況很差、很簡陋，她說：「好多村民都住緊鐵皮屋，我都有幫手搬水泥砌磚牆，係我第一次落手落腳起屋。」

建屋大使傅嘉莉（左）交棒予陳慧敏。

陳慧敏希望藉歌聲行善。

感情隨緣

另外，對於前緋聞男友吳卓羲（Ron）被指態度欠佳兼爆粗，問到Kelly是否有其事，她說：「我當時唔喺現場，唔可以評論，自己都拍過劇，劇組所有人都會攰，講嘅嘢可能係對方get錯咗，Ron佢唔係咁嘅意思。（佢係咪態度差同講粗口？）第一大家都顧住自己嘅對白同戲，第二都想快啲完成件事，可能心情唔係最好狀態，令對方get錯。」提到感情生活，早前曾表示有意中人的Kelly自言仍是一片空白，她說：「就好似張白紙咁。（唔係有個可以發展嘅男仔咩？）結果係我忙於自己嘅工作，感情事隨緣。」

文：名人組