蔡瀚億被捧做「星爺」
在今屆香港電影金像獎中獲提名最佳新演員的影壇新貴Babyjohn（蔡瀚億）前晚於九龍灣出席簽約儀式，正式加盟蕭定一的電影公司「中國3D數碼娛樂」，其經理人黃美芬及多名恩師包括歌唱老師張崇德、演藝學院導師伍潔恩及導演黃修平等撐場。大會安排了近百名太極學員耍太極迎接Babyjohn，電影公司老闆蕭定一更送上仿製金像獎，預祝他勇奪最佳新演員。
Babyjohn滿意加盟酬勞，稍後他將參演一部動作片。問到是否能應付打戲？他笑言食過「消夜」：「我學過太極，都叫食過下消夜，但依家最需要增肥，不停食，食幾隻牛！（請教增肥成功的張建聲？）但佢手腳仲好瘦，似大肚婆咋喎！」
講明唔拍三級
談到公司常開拍三級片，Babyjohn稱已跟老闆蕭定一「傾掂數」，表明不會接拍色情電影，是太太不批准？他說：「係自己唔想，我咁嘅身形，盞畀人笑！但點叫色情要到時睇劇本，蕭生好清楚我鍾意啲乜。」他又指想跟同公司的男神張智霖、雨僑及欣宜合作，兩位師姐更已發訊息歡迎他，令他大感溫暖。
老闆蕭定一對Babyjohn讚不絕口，希望將他打造成下一個周星馳：「佢搞笑方面好出色，若果佢真係做到，相信整個影壇都會好開心。」又說因Babyjohn的宗教信仰關係，故不會安排對方參演三級情色電影。
文：影視組