Fiona讚娛圈有愛
歌手薛凱琪早前為流浪貓狗籌款，但卻被質疑私吞善款，昨日她再次交代善款下落，並感激舒淇、莫文蔚等身體力行支持，令她深受感動並大讚：「娛樂圈藝人好有愛心！」
愛心爆棚的薛凱琪（Fiona）早前為一家被迫遷的動物庇護所公開「籌旗」（籌款），還出錢出力拍片呼籲圈中好友、歌迷齊齊捐款，但Fiona此舉被人質疑所得捐款之去向，鬧出侵吞捐款疑雲。
Fiona昨日和徐子淇出席「Fashion Seoul大激戰」活動時，再次澄清善款捐去機構戶口，並非自己「落格」，又點名感激舒淇和莫文蔚（Karen）大力支持：「佢哋捐得特別多，Karen仲喺自己個活動度呼籲捐款，真係令我感動到想喊！」經過今次事件，令Fiona發覺圈中藝人非常有愛心。提到庇護所搬遷情況，Fiona指她們一直在物色新的場地安置貓狗：「有啲租太貴唔啱，有啲價錢啱但唔敢落手，因為我哋唔係租一個月，要確定有足夠營運資金先得。」報道出街後，沒有影響基金運作，反而多了萬多元捐款。
媽咪「扣糧」
早前Fiona遠赴南韓為now TV拍攝節目，第一次遊韓的她順道帶爸爸同行，還去浸溫泉。在當地有否結識南韓型男？Fiona說：「我去旅行好少同陌生人傾偈，所以冇機會識男仔。」她更大爆與父同行竟被誤當是情侶，不禁失笑說：「我男朋友會唔會太老呀？」
另外，日前Fiona為電台DJ Donald的棟篤笑擔任嘉賓，在台上她自爆母親掌管財政大權，每月得萬五元生活費的她踢爆媽媽曾經「扣糧」：「我嘅數字概念一向好差，記得有一個月，我不停簽卡冇用到現金，但我check戶口時發覺，竟然只得萬三蚊，即刻打電話畀媽咪，問佢唔係講好咗每個月有萬五蚊咩？點知媽咪話：『係咩？我記錯咗係萬三蚊添。』我一唔check戶口，媽咪就會借意畀少啲錢！」
文：音樂組