曾勵珍斥無中生有：何必呢！

無綫前PA出書，指做PA很辛苦，導演王晶先在微博指摘對方只做幾個月便出書罵人，行為無聊加無恥，而昨日王晶接受電話訪問，對於前PA暗示有男藝人講粗口，王晶說：「男仔講粗口好普通，好多人都會講。（做PA特別辛苦？）有邊份工唔辛苦？依家呢個年代嘅PA最舒服。」王晶又表示前無綫高層陳志雲竟替該書寫序，實在莫名其妙。
吳卓羲捲入風波之中，曾勵珍亦為事件發聲。
吳卓羲捲入風波之中，曾勵珍亦為事件發聲。

無綫製作資源部總監樂易玲昨午透過短訊形式發出內部通告，提醒藝員部各同事要小心壹傳媒旗下所有刊物，她說：「今次唔單止係藝員，連工作人員同經理人同事都要提醒，因為好似江美儀事件咁，連一個問候電話寫出嚟都變成咁，而林峯同吳卓羲就更加無辜，無啦啦畀人抹黑。」

製作部總監曾勵珍昨日則指寫書的前PA僅得半年資歷，根本沒資格批判任何事：「我都唔明對方咩用心，用冇常識嘅內容去誣衊人，無中生有唔係事實，又何必呢！」

樂易玲廣發短訊，提醒小心個別傳媒的旗下刊物。
  • 樂易玲廣發短訊，提醒小心個別傳媒的旗下刊物。
王晶認為男人講粗口很普通，並不值得大肆宣揚。
  • 王晶認為男人講粗口很普通，並不值得大肆宣揚。