陳慧嫻紅館性感冇得鹹濕
久休復出的陳慧嫻即將在6月19日至21日假紅館舉行其《Back To Priscilla 陳慧嫻30周年演唱會》，昨日她以一襲紅色連身短裙配7吋高踭鞋，高貴現身演唱會記招，並獲大會送上油畫和水晶酒樽作支持。
揚言要帶給觀眾全新體驗的慧嫻表示，屆時除會唱出經典金曲，還會作新嘗試：「一定會跳舞，歌衫都想有新嘢，以往咁多次演唱會上都會戴帽，今次就唔想。」不過她自言性感與否，要看未來一、兩個月的減肥成績：「要減多十幾磅，不過衫都會照做，希望到時會着到。」慧嫻又自言思想新潮，故不會為性感設底線，更自嘲無身材：「我諗點性感都唔會有鹹濕感覺，只會感覺係健康。」
神秘歌神任嘉賓
雖然慧嫻已事先表明希望今次演唱會觀眾們會將注意力放在她身上，所以不設表演嘉賓，她說：「不過就有個歌神朋友知道我開騷，想嚟恭喜我，我唔講邊個，大家到時睇。」同時慧嫻透露門票預售反應理想令她最感開心，亦有望加場。
文：音樂組