方力申減20磅拍廣告
方力申與陳志健（Otto）昨日為boxing centre任嘉賓，方力申指專程撐老友，最近為將拍攝的內地廣告，花三個月減20磅，他謂：「我仲想瘦多5磅，之後6月就返TVB拍劇，都有9年冇拍，幾期待。」
而平日也有健身的Otto，近期與師傅學習巴西游擊及格鬥術，適逢下月拍攝新劇《商戰》，將與蕭正楠（Edwin）拍打鬥戲，他仍趁機鍛煉一番，問到其體能是否比Edwin優勝？Otto笑謂：「佢依家都有跟師傅操，可能都好fit呢，我下星期就同老婆去洛杉磯玩十幾日，驚心廣體胖肥咗返嚟添！」