岑麗香微波撼贏排骨法拉

岑麗香與陳法拉前晚為時裝品牌擔任客席模特兒行騷，打頭陣的香香需演繹三套服飾，而壓軸出場的法拉全程只穿一條裙，明顯待遇不同。當二人分別穿上露肩連身裙，香香「肉」感谷出微「波」，相反較「骨」感的法拉顯得平平無奇，香香較勝一籌搶法拉「峰」頭！由於舞台建於水池上，現場有多個水氹，二人均穿上五吋高跟鞋行騷都步步為營，而鍾浠文與蔡穎恩則為座上客。及後香香接受訪問時笑言沒有失手是奇蹟，記者笑她沒有臨尾香時，她大笑地說：「唔好咁啦！」

領養拍劇金絲雀

香香透露已拍罷電視劇《無雙譜》，在劇中與金絲雀有很多感情戲，主動向公司要求領養，她說：「我問可否攞返屋企，我依家只帶走其中一隻，共有三隻，我仲諗緊攞唔攞埋另外兩隻。（做咗媽媽？）唔好咁講，係家姐！我有問人，話金絲雀係最易養嘅雀仔，瞓覺時仲會將頸縮起似波，好可愛呀！（男友咪要愛屋及烏？）梗係啦！我哋係一team人。」

法拉與香香齊為時裝品牌任客席模特兒行騷。	蔡穎恩以清爽連身裙現身，散發少女氣息。	鍾浠文

恨與馬浚偉合唱

另邊廂的陳法拉笑言戶外行騷感到很冷，已多年沒有行騷，當問到認為表現如何？即表示自己不是專業模特兒，及後指將有新電影開拍，卻不肯透露詳情，只表示閉關看關於物理方面書籍。對於有指馬浚偉開公司想簽她成為旗下演員一事，她笑說：「佢係開公司畀自己喎！（有無搵你？）我哋依家仲傾緊，佢搵我合唱歌，我同佢多年心願係一齊唱歌，佢開到聲，就算無簽我，我哋無合約，我都要啦！佢咁錫我，佢係阿哥嘛！（上契？）冇，我哋感情好好，好咗好多年，阿哥無得傾！」

文：名人組