張嘉兒南非預支蜜月
前港姐冠軍張嘉兒與圈外男友早前到南非旅行，嘉兒直言視對方為結婚對象，男友更為她而把工作基地由溫哥華搬回香港，方便日夕相對，兩人在南非度過漫浪情人節，實行預演度蜜月，甜蜜爆燈。
早前張嘉兒獲贊助前往南非旅遊，嘉兒邀男友同行，到了位於南非西南城市開普敦（Cape Town）五天，遊覽了世界七大奇景之一的桌山、Safari以及當地的貧民區，令首次到當訪當地的兩人大開眼界。
望35歲前生仔
嘉兒表示之前以為南非治安不佳，但之後發現當地的遊客區都很安全，只可惜時間太短，她計劃再到當地觀看動物大遷徙，笑言連度蜜月也有意選擇南非。嘉兒坦言經過今次旅行，與男友感情增進不少，她冧爆地說：「我哋喺南非慶祝情人節，當日我哋去咗一間高級嘅餐廳食飯，對住海食海鮮，好浪漫。」她稱男友之前在溫哥華工作，長期分隔兩地，最近男友為她返回香港居住：「今次係佢返香港之後，我哋第一次一齊去旅行，所以全程好sweet。
不過，中間都發生一件小插曲，有一日我哋坐吊車上桌山，我見到兩邊風景太興奮，不停自拍，佢話我騷擾到其他人，我就反話佢抑制我嘅開心好唔啱，但好快佢就氹番我。」問到結婚大計時，嘉兒直言大家均視對方為結婚對象：「我哋都有結婚計劃，但暫時想儲吓錢先，我希望35歲前結婚生仔。」
感慨貧富懸殊
談到南非之旅，嘉兒稱最難忘是在Safari欣賞野生動物以及參觀貧民區，感受當地人的生活，她感慨地說：「南非有啲人好有錢，但仲有好多人住喺鐵皮屋，生活條件好差，我見到有小朋友攞避孕套當氣球咁玩，都幾心酸。」
文：名人組