懷孕超過三個月的呂慧儀昨日腳踏五吋高跟鞋出席活動，明顯見肚的她patpat及上圍也豐滿了，與司儀談起自製禮物時，說「包被」被誤會說成「包皮」，場面惹笑！
佗B仍着五吋高跟鞋，她說最緊要靚：「老公都冇話唔畀，我着高跟鞋有信心，追巴士都冇問題。」暫時呂慧儀沒有嘔吐情況，不過對上圍連升兩cup感無奈及不習慣：「平時唔覺自己咁勁，依家要買過晒啲bra，個sales話我會再大，真係滴晒汗，我唔使咁大，好有負擔。」
