智叔半夜聞血腥騰騰震
導演林超賢「踩界」執導英皇新片《魔警》，戲中涉及螺絲批插爆頭、用車輾斷手臂等血腥震撼場面，相信上映之時將成全城熱話，拍攝時更令廖啟智、歐錦棠等演員大叫怕怕。對於電影最終未被列為三級片，林導笑說：「總之係咁就去盡啲啦！」
「魔鬼導演」林超賢執導《魔》片花盡心機，塑造每個角色都相當立體，就連綠葉如廖啟智（智叔）及歐錦棠（阿棠）等組成的「鬼王黨」，亦有充分的演技發揮機會。林導悉心交代他們每個人都於殯儀館有正職，每當犯案才「變身」兇殘，其中一場交代懷疑有內鬼的戲，更安排用車活生生輾斷內鬼的手臂，視覺效果相當震撼，就連篤信基督教的智叔亦不禁說：「半夜三更開工，工作人員又準備咗一大桶豬血同肉碎做道具，行過聞到陣陣血腥味，都咪話唔驚。」
耗盡精力
阿棠被安排激鬥後遭智叔狠狠勒死，林導要求該場戲一take直落，清楚睇到阿棠的「死相」，兩位演員不諱言耗盡精力，阿棠說：「因為要見樣，想用替身都唔得，我有做開運動都勉強應付到，智叔就拍到大汗疊細汗嘞。」
至於片中智叔最終被人用螺絲批插爆頭、阿棠與黨友輪姦女子等場面都相當踩界，林導以為電影會被列作三級片處理，然最終卻落實只以「IIB」級推出，難怪他說：「如果一早話我知三級上嘅話，我諗可以再去盡啲，唔使就住就住嘛。」
文：影視組