高海寧陳敏之爭住扑咪
金秀賢、全智賢主演的熱爆韓劇《來自星星的你》，無綫安排本月26日播出，播映前金秀賢來港出席活動，無綫已瞄準他邀約專訪谷劇。而一眾中了「星星毒」的女藝員爭相欲見金秀賢一面，報名「扑咪」的高海寧說：「最好可以抱抱都敏俊，並一試瞬間轉移。」
「都敏俊」金秀賢與「千頌伊」全智賢主演的韓劇《來自星星的你》熱爆亞洲，無綫購得播映權，安排本月26日於收費台播出，繼韓國本土播出後亞洲首個地區播放，相信在港定再掀星星熱。
幾十女藝人報名
金秀賢爆紅後展開掘金之旅，本月22日他應莎莎之邀來港三日兩夜，23日在美麗華酒店出席產品記招及粉絲見面會，25日便離港。今次都教授來港剛巧無綫收費台播出《星星》，無綫與KBS關係向來友好即邀金秀賢做專訪造勢。
一眾中了「星星毒」的無綫女藝人得悉金秀賢接受無綫專訪，像高海寧（高Ling）、陳敏之等紛紛爭做主持「扑咪」（訪問）外，據悉，有數十女藝人「報名」希望專訪時能見偶像一面！
堪稱《星星》頭號粉絲的高Ling，除了曾以「千頌伊」look出活動，又買了廿多支全智賢劇中用過的唇膏，及花五位數買十多套「千頌伊」靚衫，她承認被對方的演技吸引：「佢做到嗰種明星架子，靚女、可愛又唔乞人憎，而都敏俊亦冇可能唔鍾意，係女仔都想一叫男友就出現喺身邊。」
斟茶遞水做阿四
高Ling曾瘋狂得計劃到北京一睹金秀賢風采，因開工未能成行：「我已報咗名想去專訪金秀賢，聽講好多人排隊，如果可以見到佢就算去做『阿四』斟茶遞水都冇所謂。」她希望能跟偶像見面抱抱，及一試「瞬間轉移」：「到時可以同佢背對背，然後大嗌「都敏俊」，然後佢喺我面前出現，扮吓瞬間轉移，哈哈。」陳倩揚看過《星星》後亦特意學韓文，望有機會訪問金秀賢，至於陳敏之與黃心穎亦有在家扮過「千頌伊」！另外，金秀賢昨日在廣州出席粉絲見面會時透露，前日忙裏偷閒在酒店打了四小時羽毛球。
文：影視組