Alice B.愛情至上唔想被包
「第四代Canon甜心」Alice B.近日搬家，卻找不到男士幫拖，要親力親為，拿着行李行六層樓梯，非常吃力。Alice渴望有男友照顧，自稱愛情至上的她，盼望得到的是簡單的浪漫，並不渴求被有錢人「包」。
Alice B.及「天氣小姐」黃婉曼（Icy）昨日出席apm潮人復活藝術館活動與新鴻基地產代理租務總經理馮秀炎一起出席。Alice透露正搬家，但因身邊的男士均很忙，沒有時間幫她，Alice說：「我搬咗幾日，因為我住嘅地方係冇電梯嘅，我要搬住啲嘢行六層樓，惟有當做運動。」
最怕人show off
三周後Alice將返回英國照顧患病的母親，故現正努力工作賺錢，她說：「我想帶埋我隻貓去英國，因為我媽咪都想見到佢，不過要帶貓隻去外地真係好貴。」問Alice有否打算結識有錢人，叫對方照顧自己？她笑說：「我個個星期都會諗一次，不過我係愛情主義者。（咁有冇有錢人追過你？）以前有，不過我唔鍾意啲人請我食好貴嘅晚餐，show off（晒）佢幾有錢。我反而鍾意啲簡單、用錢買唔到嘅嘢，咁先係浪漫。」
韓國旅行朝聖
Icy透露近日沉迷追看韓劇，希望復活節到韓國旅行，並會到韓劇的拍攝地點「朝聖」。男友有否投訴她看得太多韓劇？Icy笑言：「又冇喎，佢反而覺得唔使煩。因為韓國文化裏面，女仔比較卑微，聽老公話。當佢見到呢啲劇情就會話：『呢啲教育就啱啦！』」她又透露與男友的婚禮將於年尾舉行。
文：名人組