王菀之傷背男友按摩
王菀之（Ivana）昨日於將軍澳錄影《勁歌金曲》，抱病上陣的Ivana自爆每次入電視城工作就會肚痛，更誇張到指自己有鏡頭恐懼症，她謂：「每次入親電視城，都會瞓唔着同肚痛，（之前拍無綫劇集點算？）習慣咗，依家忙緊排演唱會，每日都好緊張，又少見人。（排舞進度？）我狂跳舞，希望識跳舞啲觀眾會手下留情，因為我好畀心機，提早咗一年去排舞。」
問Ivana練舞有否受傷？她說：「拉傷咗背脊，搞到發炎。我諗住唔睇醫生就會好，不過原來筋骨唔會自己好番，痛楚冇減退。（男友有冇關心你？）佢見到我痛就會幫我做物理治療，佢玩開運動，識物理治療。（男友為你按摩？）係，可以慳番物理治療錢。」