祖兒披嫁衣師兄無視阿澤
天后容祖兒化身最美麗新娘，罕有披性感婚紗拍廣告，預演出嫁最索時刻，她大呼興奮又緊張。而日前祖兒在網上鬧爆杜汶澤，有指起因是阿澤曾中傷祖兒男友劉浩龍（師兄），師兄昨日出席節目錄影時亦「婦唱夫隨」封口避談，免得事件愈描愈黑。
每位女孩一生最靚爆鏡的一刻，莫過於披婚紗出嫁那天，樂壇天后容祖兒較早前為美容中心任代言人，拍廣告時預演出嫁最動人時刻。她化身索爆新娘，穿純白婚紗，大晒三吋事業線及香肩。頭戴白紗、手執花球的祖兒完美演繹一個快將出嫁的新娘子模樣，含蓄得來亦顯雍「容」華貴。
浩龍留意報道
首次穿婚紗拍廣告的祖兒大呼興奮，談到對婚姻的看法，祖兒甜笑謂：「相信婚姻對每位女士都重要，婚後開始人生另一個重要階段。我深信只要大家互信，就可堅守盟誓。」祖兒更分享做最靚新娘的貼士：「婚前護膚最重要，最近有唔少朋友準備結婚，但多數女仔只會喺婚前幾個月急救護膚，女仔要時刻保持肌膚喺最佳狀態，唔可以懶惰。」
另外，祖兒日前在網上鬧爆杜汶澤，有指事件起因是阿澤出言踩祖兒男友劉浩龍。師兄昨錄影《勁歌金曲》，他表示有留意女友與阿澤的是非，但全程封口不欲多提。提到有指阿澤在派對中傷師兄，他說：「今日去咗醫病，冇留意報道，我只可以講，我冇同佢（阿澤）去過派對，（阿澤對你講過難聽說話？）冇聽過任何嘢。」
洪卓立盼和好
昨有份錄影的洪卓立談到祖兒鬧爆阿澤，他謂：「祖兒啲EQ同IQ都好高，佢有自己處理方法，唔需要安慰。（聽過阿澤中傷師兄？）冇聽過同唔在場，就算係都只係講笑。」他又指阿澤是無心之失，希望祖兒與阿澤盡快和好。
文：音樂組