不少貪靚的女星開餐都行「不辣主義」，因為吃辣會影響皮膚，但孖女組合AOA卻無辣不歡，兩人最愛吃川菜，吳燕珊（大Ann）說：「我哋每次都食兩碗絕味牛肉粉，但呢個唔算辣，麻辣火鍋先最辣。」吳燕菁（小Ann）稱雖然自己不是四川人，但自封是重口味的人：「我哋兩姊妹好重口味，仲有個心得，就係食得多辣，皮膚反而愈好。」
甜品四川涼糕亦是AOA最愛，每次都要吃四碗才罷休，而小Ann對整甜品向來有研究，拿手甜品是燉蛋，相反大Ann就多失敗收場：「試過整馬蹄糕，但整得太糊，變咗馬蹄糊，最後冇人吼，要自己食。」
