琦琦女王篷範
荷里活女星Tilda Swinton（泰迪史雲頓）、內地女星范冰冰、名模琦琦等出席《第三屆Power of Film慈善晚宴》，每位嘉賓都盛裝打扮，場面星光熠熠，尤其女星們穿上各大品牌2014春夏新裝，演繹華麗的盛宴。時裝作家Janice最欣賞琦琦及Amanda S.的型格造型，琦琦的斗篷和方肩墊膊充滿女王風範；Amanda中門大開散發貴氣性感，兩者同時艷壓全場。
范冰冰
「條裙幾靚，華麗又性感，係一種意念式性感，see-through露大腿唔會直接衝擊眼球。晚裝裙鑲有好多羽毛裝飾同釘珠，手工非常精緻。」
馬詩慧
「人高有着數，着harem pants對腳唔夠長好易出事。身為名模嘅佢絕對懂得點去搭配，對booties係時尚亮點，不過all black造型，影相比較輸蝕。」
琦琦
「係一套好難handle嘅衫，矮少少都着唔到，方肩墊膊好難carry，容易顯得膊頭橫。斗篷設計係神來之筆，充滿女王氣派，而褲頭束繩係流行嘅運動元素，時尚非常。」
Tilda Swinton
「向來係型格女星嘅佢，反而有少少失望，一直期待有驚喜，但今次只係着咗件普通、保守晚裝裙，任何accessories搭配都冇，造型好簡約。」
Amanda S.
「充滿名模風範，性感得嚟中性化，件衫帶有流行嘅金屬色元素，佢着得非常型格，係專業模特兒先着出時裝感，而髮型同套衫好match，好好睇。」
楊秀惠
粉紅色曾幾何時被列為「娘」的顏色，因為色調嬌嫩，以前不會見到「all pink」造型，現在卻成為時尚trend。今年繼續流行「玩色」，利用不同層次的粉紅色，炮製一場衝擊眼球盛宴。同時，運動元素亦流行加於服裝中，如採用運動服裝物料、款式、剪裁等，成為現在時裝的指標。
Profile
王麗儀（Janice Wong），一位時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。