莊思敏學做P牌經理人
模特兒莊思敏與兩個妹妹前晚以性感打扮到酒吧慶祝時裝店開張兩周年，自爆續新約時被加租一倍的莊思敏幸得好友相助，最後只加四成，她笑言不會將成本轉嫁消費者身上！另外，她又透露將開公司做「P牌經理人」！
莊思敏（Jacquelin)前晚以閃石短裙上陣，到酒吧慶祝其時裝店開張兩周年，妹妹莊思明及莊思華亦分別以低胸裝及露肩裝性感出席，同場並有黃百鳴、劉晨芝、陳庭欣、翟威廉等到賀。Jacquelin自爆續新租約時被加四成租金：「原本加一倍租，好彩有朋友幫手，所以只加四成。」她表示因成本太大，還差少許才回本，幸好有圈中人及日本客定時幫襯。
認黐身女友
問到會否加價？她笑言：「唔會。（開分店？）暫時唔會，就算開都想喺上海開。（北上搵男友？）我國語唔太好，又唔可以遠距離戀愛，要成日見先得，（黐身？）我認！」對於有指其化妝學校早前被虧空六位數，她表示學校運作冇問題：「調查緊，案件交由警方處理，問題解決咗，會重新出發。」
已簽何紫綸
莊思敏又大爆將做個「P牌經理人」：「五月會開間製作及經理人公司，做個P牌經理人，依家簽咗何紫綸同王晶個女王子涵。」
而尚有一年約滿無綫的翟威廉就為即將會見高層的面試而緊張，他笑言屆時會sell打功夫。
文：影視組