藝人黃澤鋒與友人合資的餐廳昨日開幕，請來錢小豪、余慕蓮等做嘉賓，他說：「一早籌備搞餐廳，撞啱同港視合約三月完，做人都要往前走！（杜琪峯搵港視員工拍戲？）藝進同學會有資料庫，杜Sir會睇有冇啱嘅演員，冇分無綫定港視。」錢小豪帶同太太丘倩鳴及兒子錢穎德現身，他笑說：「趁個仔仲肯畀老竇攬黐多啲佢，遲吓我會被遺棄！阿仔最近玩小型賽車，我畀佢盡量發揮天分，當長遠投資！」
