藝人林嘉欣、甘國亮昨在尖沙咀出席由法國著名時裝品牌創辦人Agnès b執導電影的首映，嘉欣非常欣賞Agnès不滅的創作熱情，但就笑言未有執導的想法：「做好演員都難做！」自誕下兩女後，嘉欣專心湊女久未拍戲，但她透露今年終有機會開戲：「戲癮大發呀！啲血喺身滾晒熱辣辣！（湊唔到女？）會同老公夾好時間，都會搵人幫手。」她謂現身為人母不能像以前一樣為工作而3個月不回家：「會兩星期返屋企一次囉。」
