JJ嫌棄樊少皇震音
賈曉晨（JJ）早前為其音樂微電影擔任導演，她更與男友「力王」樊少皇情侶檔上陣合唱，雖然嫌棄對方的震音，但JJ仍大讚男友既打得又唱得！
不少圈中人都想過一下導演癮，無論是電影或是微電影都想自導自演，賈曉晨（JJ）就是其中一人，早前她由歌手升呢做導演接拍音樂微電影，對於為何有這個念頭？她說︰「原本諗住拍MV出唱片，因為我鍾意寫嘢，所以同投資者傾過，拍一啲特別啲嘅愛情故事，之後就拍咗微電影。」講到做導演，JJ直言今次的團隊有很多新人，身為前輩的她不時跟他們分享自己的經驗，至於戲中她找了「警鐘胸」女模Jessica C.合作，她笑言都可以溝通到，她笑說︰「我將識嘅嘢教佢哋，所以拍攝時經常同演員溝通，同JC用英文溝通到，哈哈，當然加埋身體語言啦！」
電話中展歌喉
提到今個微電影中多首歌曲，JJ與男友樊少皇情侶檔上陣合唱，她笑言對方得知她有這個計劃，即作了多首歌給她，她說︰「佢即刻作咗兩首歌畀我，大家一齊唱都有少少爭議，好似佢好鍾意震音，但我唔係好鍾意，之後大家攞個平衡，叫佢震少啲。」JJ還大爆「力王」也有鐵漢柔情的一面，她說︰「其實佢打得之外都好鍾意唱歌，佢之前同我講過，細細個5、6歲時已經成日打畀啲姨媽，喺電話度唱歌畀佢哋聽，真係好好笑。」
文︰專案組
攝︰林楠
化妝及髮型︰Karen &Ada@iMAKEUP WORKSHOP
服裝︰2%
場地︰Misto Restaurant