陳詠謙出嫁做歌手

才華洋溢的陳詠謙曾於2008年以組合Vega身份勇闖樂壇，不過數年後解體收場，陳詠謙即轉做填詞人，先後與多位歌手如陳奕迅、薛凱琪、周柏豪及吳雨霏合作，日前終獲華納睇中開出七位數利誘他加盟重投歌手夢懷抱，他亦毫不猶豫簽下「賣身契」。簽約當日如結婚註冊般即場宣誓，剛巧柏豪及Ella亦在公司，兩人齊齊見證小師弟「嫁」入華納。

「好詞」唔會獨食

陳詠謙坦言被華納董事總經理Gordon Lee的誠意打動，他說：「其實上年已經開始傾，一直同公司合作得好愉快，覺得老闆、員工都好齊心同好有士氣。」他承認公司給予很大自由度，問到會否將「好詞」留給自己？陳詠謙笑笑口說：「唔會，有啲歌詞冇歌手要，諗唔到適合邊個，咪留畀自己囉。」

陳詠謙（左）加入唱片公司，與官恩娜、連詩雅及周柏豪成為同門。	陳詠謙（左）成為周柏豪的師弟。	在唱片公司高層Gordon Lee的誠意打動下，陳詠謙揮筆「賣身」。

買名筆簽約

寫出一手好詞的陳詠謙原來簽約前特別花上數千元購買名筆，他說：「簽約對我來說意義重大，係一個好大嘅紀念，值得嘅。」而見證師弟加盟的Ella則說：「好戥佢開心，佢真係好有才華，對樂壇好有抱負。（驚唔驚佢將啲好詞留畀自己？）唔會，大家嘅人生故事唔同，總之百花齊放。」

文：音樂組