鍾嘉欣遇氣流 嚇到寫遺書

飽受驚嚇的鍾嘉欣透露曾寫遺書，表示珍惜生命最重要。

東網ontv緊貼娛樂圈潮人潮事，本周貼身追擊宅男最愛的鍾嘉欣，全程報道嘉欣BB早前由加拿大探親返港時九霄驚魂的經歷。日前以透視連身裙出席保育海洋活動的嘉欣BB被追問與男友伍允龍何時計劃結婚時，她扯開話題，自爆遇上九霄驚魂，她表示返港時飛機遇上氣流長達五小時，機艙一片凌亂：「返嚟嗰陣遇到氣流，從來未試過咁驚，杯又爛，搞到成地都係水。」

伍允龍呵番

嘉欣BB還自爆當時嚇到寫定遺書，她說︰「我驚到自己寫定遺書，如果有咩事，希望張紙條畀屋企人睇到都好，內容係同Daddy、媽咪、阿哥、家姐、朋友講『I Love You』，要珍惜生命，唔好為小事而煩惱。嗰五個鐘我勁提高警覺，仲係咁背熟求生知識同點着救生衣。」

東網ontv貼身報道「嘉欣ＢＢ」的九霄驚魂。	伍允龍表示理解鍾嘉欣的心情，慶幸嘉欣冇受傷。	鍾嘉欣早前到加拿大探親度假。

而發生此事後，伍允龍則說：「嘉欣有同我講，佢驚都好正常嘅，咁女仔比較感性，我都好明白佢當時嘅處境，佢冇事就得啦！」問到可有乘機求婚，他笑而不答：「最緊要人冇事！」想了解更多嘉欣BB今次在飛機上的經歷，click入ontv去片啦！

文︰專案組