吳千語冧男友辮辮有力

藝人吳千語、周柏豪、傅嘉莉及鍾浠文等，前晚出席品牌活動。千語BB以一頭橙啡短劉海新造型亮相，笑言只是假髮，男友林峯未見過。自言沒有勇氣把長髮剪短的她說：「其實仲想試短頭髮，不過都唔會啦，拍戲唔方便！」她甜絲絲大爆林峯喜好：「佢鍾意紮辮呀。（你好少？）我有呀！平時出街會All back。」識得變「髮」冧男友，難怪林峯對她如此癡心！千語BB又稱將會到南非工作，只去市中心故不擔心治安問題，問到男友會否隨行，她說：「佢要拍劇呀。」
吳千語以一頭橙啡短劉海假髮新造型亮相。
吳千語以一頭橙啡短劉海假髮新造型亮相。

柏豪今年會買樓

同場的周柏豪自爆近期投資金粒蝕錢好揼心，又稱今年有買樓大計。問到心水物業，柏豪說：「睇吓budget啦！梗係愈大愈好！」問到儲夠老婆本未？柏豪就話：「呢個唔係first priority（最重要）！」今年9月將於紅館開騷的他，為張耀榮離世感惋惜：「我未有資格接觸佢，但係非常尊敬佢！」他又透露下月要去馬來西亞，與艾威及羅蘭姐合作拍戲大半個月。談到馬航空難，他自言少搭，又表示對事件感難過。

文：專案組

鍾浠文（左二）與其他藝人分別穿上品牌新裝現身活動。
  • 鍾浠文（左二）與其他藝人分別穿上品牌新裝現身活動。
周柏豪自爆投資蝕錢好揼心。
  • 周柏豪自爆投資蝕錢好揼心。
傅嘉莉昨晚盛裝出席品牌活動。
  • 傅嘉莉昨晚盛裝出席品牌活動。