錢嘉樂賽車後上奪季軍
藝人錢嘉樂、方中信和莊思敏日前參加在珠海賽車場舉行的「2014克里歐杯中國系列賽」。其中錢嘉樂的成績最好，他於比賽中超越多位對手，一直從後殺上勇奪全場第三名。嘉樂在攞獎一刻大感興奮，他於賽後接受電話訪問時坦言事隔多年再參賽還有很多進步空間：「其實學到好多嘢，感覺好正，加上同成班半職業車手鬥，好刺激！」
嘉樂攞獎興奮莫名，事後更用愛女照片組圖祝賀自己攞獎，相比同行方中信就沒那麼幸運，在比賽期間與其他車手發生碰撞，最後要退賽，嘉樂稱：「佢好無辜，不過志在參與啫，其實佢已經十幾年冇比賽，今次再落場好多嘢估唔到！」至於第一次參加正式比賽的莊思敏則在無驚無險下完成賽事。