黃智賢怕食剝皮河豚

無綫藝人黃智賢早前到日本沖繩出席國際映畫祭，順道為無綫娛樂台錄影節目，到訪當地著名的海產市場，一邊拍攝，一邊歎新鮮海產：「嗰度啲街市姐姐好得意，好似拍慣嘢咁，任拍唔嬲，仲不停講笑，好過癮！」他又指有店主向他們推介剝皮河豚：「我唔敢食呀！不過就有試嗰度好出名夜光貝，真係好鮮甜。」此外，黃智賢又坦言於映畫祭行紅地氈期間，在海邊吹病了，他謂：「初頭以為好暖，但嗰度其實好凍，去到中段，有工作人員遞毛氈畀我哋。」