馬國明發達身痕對周麗淇不忠
馬國明與周麗淇首次合作為無綫重拍經典劇《流氓皇帝》，周麗淇嘲笑馬國明「天然呆」很適合角色。劇中被馬國明拋棄的周麗淇被問到現實中可遇過「賤男」﹖她說：「唔記得喇，唔好嘅嘢唔記得喇﹗」馬國明則認為發達後不忠是男人的通病。
馬國明、周麗淇、黃智雯、袁偉豪、陸永、楊詩敏、古明華等昨日到將軍澳電視城為無綫重拍的經典劇《流氓皇帝》試造型，馬國明與周麗淇分別扮演當年鄭少秋與李司棋的經典角色，周麗淇劇中被發達後變得不忠的馬國明拋棄，問到周麗淇現實中可曾遇過不忠情人﹖她笑說：「唔記得喇，唔好嘅嘢唔記得喇，今次角色講我好單純，對馬國明好專一，但係佢有錢之後就去玩女人。」周麗淇笑言期待與馬國明合作，她笑說：「佢出名天然呆，做呢個傻吓傻吓嘅角色好啱佢。」
第一次化老妝
周麗淇今次飾演當年李司棋的經典角色易蓉蓉，由十多歲演到六十多歲，還是第一次要化老妝，她不擔心觀眾將兩劇比較。馬國明重新演繹當年鄭少秋所扮演的朱錦春角色，誤打誤撞成為皇帝，馬國明說：「當年播嗰陣自己都好細個，所以依家年輕嘅觀眾好多都未睇過呢套經典，監製反而叫我唔使模仿秋官去演，用自己嘅演繹方法就得，所以冇壓力。」
劇中馬國明飛黃騰達後對周麗淇不忠，現實中馬國明又可有試過﹖他笑說：「暫時未，將來就唔知，但係呢個係好多男人嘅病，少年得志都會係咁，但係我仲未發達就唔知喇。」
文：影視組