金剛變AV男：真係巧似我
繼去年9月有疑似周柏豪的淫照流出後，昨日網上瘋傳一段聲稱是金剛與一女藝人的春宮片，片中男主角的「剷青」頭及留鬚style與金剛非常相似，有網友還以為真是金剛。不過，因男主角的紋身及身體特徵與金剛本人有出入，明顯金剛是無辜被網友惡搞！昨日求證於金剛時他四度以「真係巧（好）似我」作回應並否認曾拍類似片段，至於跟他齊齊「欣賞」該片的女友陳蕊蕊，亦說：「樣似身唔似」！
藝人金剛來港發展後緋聞不斷，先後跟多位港姐張嘉兒、許亦妮、蔡慧欣等人傳緋聞，但去年高調宣布與陳蕊蕊拍拖後，終修收心養性做廿四孝男友，惜最近又傳二人感情現暗湧。一波未平，昨日網上瘋傳一段歷時三分半鐘、聲稱是金剛與一女藝人的春宮片，片中身穿啦啦隊衫的女主角正與疑似金剛在拍「愛情動作片」，十分意淫。從房間布置及床的位置看，估計拍攝地點在酒店，驟眼看片中男主角的樣貌與金剛非常相似，「剷青」頭及留鬚style亦十足十金剛。該片一流出，旋即成為網友熱話，並對此春宮片大感嘩然。
紋身五官有出入
惟細看之下，金剛與該「春宮男」的眾多身體特徵均有出入，出名多紋身的金剛，小腿及右手手臂均有大面積的紋身，但「春宮男」身上明顯沒有任何紋身。五官方面，金剛的耳仔貼，相反「春宮男」有對兜風耳，其身體特徵最明顯的是右邊膊頭上有毛，但金剛則沒有，所以根據以上種種特徵，足證金剛只是被網友大整蠱，認真無辜！至於片中的女主角隨即被網友起底，查得她是現年26歲、上位中的「AV界連詩雅」永澤真央美，她出道短短兩年，憑33C驕人身材大受男性歡迎！
「根本係鹹片」
對於有疑似金剛春宮片曝光，金剛昨接受訪問前後共說了四次：「真係巧（好）似我」：「真係巧（好）似，我自己第一眼睇都覺得巧（好）似！條片三分幾鐘我睇晒啦，人哋條片打晒燈，根品（本）係鹹片嚟，我都唔拍呢啲嘢嘅，我冰（邊）有咁犀利吖！真係巧（好）似我，但唔巧（好）以為光頭有鬚就係我先得o架，雖然我都知真係巧（好）似！」睇得相當仔細的他，又笑言：「個男人未進化，膊頭有矛（毛）o架，我膊頭兜（都）冇矛（毛）嘅！」問到可會怕影響形象？他說：「都唔係我，我怕咩啫！我係覺得好好笑囉。」
蕊蕊：個樣似
其女友陳蕊蕊就大方表示二人齊齊「欣賞」該片，更認為金剛與「春宮男」非常相似：「我哋一齊睇嘅，真係好似佢囉！個樣似，但一睇個身就知唔係，我好清楚，同埋個男人都冇紋身。（邊個fit啲？）梗係片入面嗰個啦！（叫金剛操fit啲？）我成日都叫佢同我跑步，但唔使五分鐘我就要返轉頭接番佢。同佢一齊之後我體能都差咗，不過點都好過佢。」
文：專案組