祖兒讚劉浩龍基因好
樂壇天后容祖兒在慈善晚會上大談「造人工程」，現年33歲的她自爆希望能夠趕及40歲前生B，至於男友劉浩龍是否理想的「造人對象」，祖兒聞言即風騷甜笑，笑言希望可以生一個同男友基因一樣予人開心感覺的「天后B」！
容祖兒昨晚出席「2014麥當勞叔叔之家慈善基金亞太/中東/非洲區域會議」晚會，作為活動大使的祖兒原來曾經捐錢成立「祖兒樂園」供小朋友玩樂，講到同小朋友相處，祖兒語重心長話：「最緊要係有耐性，同愛護佢哋！」
問祖兒可希望擁有自己一個小朋友？她說：「係一件幾特別嘅事，一個同自己有血緣關係嘅人可以延續到自己嘅生命、思想同性格。」那麼祖兒準備生B未？她就坦言：「唔可以衝動，唔係話有就有，要Planning，我未ready，（心態係點？）咁要『泵』咗出嚟先知喎。（會唔會有意外？）梗係唔會啦！」
聞噩耗呆咗
祖兒又表示自己已經33歲，希望於40歲前實行「造人工程」，問到男友劉浩龍是否計劃對象？她就甜笑說：「點知啫！（佢係好基因？）唔知喎，但佢係一個好開心嘅人，應該要生個開心BB，要識得笑又陽光嘅BB，唔好太抑鬱，（男友是『識笑BB』？）佢唔係BB啦。」
提到「香港演唱會之父」張耀榮前日離世，祖兒慨嘆十分突然，她又憶述說：「知道消息後呆咗，仲記得上次春茗仲話要同耀榮叔影多啲相，估唔到咁快就離開，我七個演唱會都係佢搞，知道佢每次去睇演場會唔係為打卡，而係為開心。」
文：音樂組