周麗淇預演婚禮冇得錫

藝人黃芷晴、周麗淇與安志杰等昨日出席《Just Gold鎮金店婚嫁系列記者招待會》，Andy應客戶要求在台上下跪為Niki戴上逾五百萬元的五卡鑽戒，場面似足真結婚。問到為何不「錫錫」？Andy說：「唔敢！（驚將來女友誤會？）將來先講。（驚Niki男友徐正曦誤會？）唔會，相信佢男友好nice。」在台上Andy又笑言很多auntie介紹女仔給他認識，受訪時他卻糾正：「冇，auntie同我劈酒啫，（借酒消愁？）唔係，佢鍾意飲酒。」此時Niki爭住說：「我都覺得Andy好好笑，真係要一齊拍喜劇！」

安志杰祝福婷婷

問到Niki會否想男友將來像今次預演一樣浪漫？她說：「唔好，好大壓力，做嘢已經有壓力，我想一切從簡、低調。（男友有冇暗示？）我哋私底下得喇！（有計劃？）工作行先。」

黃芷晴為這次活動擔任模特兒展示首飾。

（左起）鄧鉅明、周麗淇、安志杰和鄧鉅明太太Emily一同舉杯向在場嘉賓祝酒。

另外，問到Andy有否留意舊愛謝婷婷與李桂蘭兒子戴尚安（Sean）的緋聞，他表示：「冇，啱啱喺上海做嘢返嚟，嗰度冇上網。（見佢哋拍拖咁開心，自己會否唔開心？）唔會upset，亦唔會喊，（祝福？）一定祝福。」

鄧鉅明讚太太精明

而品牌老闆鄧鉅明被問到活動會否令他回憶娶太太的浪漫畫面？他說：「嗰時環境冇咁好，人要進步，希望下一代結婚收到金飾禮物，平時都可以戴出街。」他透露太太好「精」，喜歡金飾之餘又喜歡鑽石，又表示太太有份參與商品設計，為了獎勵太太特意叫工匠設計一、兩套限量金飾，共過百萬，至於會否命名為「Emily（太太英文名）系列」？他說：「問番佢意見啦！」

文：名人組