陳柏熹波子跪低要推車
時裝品牌Moiselle太子爺陳柏熹，前晚深夜駕駛其火紅色「波子」跑車現身中環，靚車突然死火，被迫停在信德中心附近路旁，陳柏熹下車後一臉無奈，坐在路邊石壆打電話求救，等了十分鐘後他取出電話為愛車拍照自娛。
未幾友人駕車前來相助，兩人夾手夾腳推車，只見陳柏熹推到面容扭曲狀甚辛苦，由於現場路面有車經過，兩人推車時可謂相當危險，及至將車輛推到安全位置後，陳柏熹才登上友人車離去。
記者昨致電陳柏熹問到死火事件，他坦言當晚做完運動，最攰最肚餓的時候發生此事，相當無奈，他說：「咁啱我停車位置路面好爛，仲喺正垃圾站旁邊好臭，咪搵朋友嚟幫手，之後call咗司機幫我處理，今日已經可以用得番架車，不過都係時候要檢查。」