陳展鵬脹面賴水腫
陳展鵬被指整容過火令面部腫脹，他昨日到元朗宣傳《叛逃》，現場所見展鵬樣貌如常未有「變臉」，他解釋拍攝照片當日生病令面部水腫。吳卓羲打War Game進行比賽時不慎中彈「掛彩」，手臂瘀了一塊。
陳展鵬、吳卓羲、陳茵媺、楊秀惠、翟威廉等無綫劇集《叛逃》演員昨日到元朗大棠打War Game宣傳。眾人分組進行比賽保護女神，陳展鵬、吳卓羲與翟威廉先後孭起李亞男、楊秀惠及陳茵媺鬥快闖過障礙物，眾女士亦顧不了儀態大派「波餅」攬實猛男比賽。經過一輪槍林彈雨護花後，吳卓羲的手臂被氣槍射傷「掛彩」瘀了一片，而最終落敗的陳展鵬亦要接受大懲罰被眾人以氣槍掃射。
暫未考慮變臉
陳展鵬被雜誌指整容過火令面部腫脹，但昨日現場所見展鵬樣貌沒有「變臉」，他否認整容說：「拍完《大藥坊》之後一路都病，張相影嗰日塊面好水腫，一路病到呢兩日先好番。冇所謂啦，雜誌鍾意寫乜就寫乜，內文都係創作，近期啲新聞都開始有啲惡意。」問展鵬將來會否考慮整容？他說：「將來先算啦，第時可能食粒藥就返老還童，整容好危險，明眼人一睇就知我有冇整啦！」講到與關禮傑拍攝跳大廈戲被網民惡搞﹖他說：「拍嗰陣冇睇play back同埋冇咁誇張，啲網民幾有創意，公司可以考慮下請佢哋。」
吳卓義表示不相信陳展鵬整容，認為他只是水腫，對於陳展鵬與關禮傑的跳大廈戲被網民惡搞，他說：「跳過去係唔合情理，唔好話人啦，豹都跳唔到過去啦，但係戲劇世界就冇乜所謂，誇誇地有啲話題畀觀眾講吓。」
迷路得村民幫助
陳茵媺表示玩遊戲時亦身中多槍，好彩有避彈衣保護，她透露自行駕車到場時迷路，證明導航並不可靠，多得村民幫助。男仔頭的陳茵媺以前熱愛冰曲運動，她透露兒子也遺傳了父母的運動細胞十分活躍。
文：影視組