鍾楚紅唇彩飛揚 Fiona扮潮睇心情
鍾楚紅和薛凱琪兩代美女，昨日一同出席美容活動分享扮靚心得。保養得宜的紅姑最愛「烈艷紅唇」，因紅色能令她雙唇更水潤迷人，薛凱琪則會留意最新時裝情報，但亦要視乎當日着衫心情。
鍾楚紅（紅姑）和薛凱琪（Fiona）兩位不同年代的美女，昨日出席太古城中心「Beauty Zone」開幕活動，現場請來魔術師甄澤權表演魔術，他邀Fiona及前港姐周美欣上台協助表演，藝人黃婉曼、Alice B.、王宝宝、陳爽等亦到場支持，場面熱鬧。
紅姑想有仔陪食飯
紅姑自爆愛買唇膏及胭脂，最喜歡塗紅唇，因為不化妝都可以令雙唇更水潤和精神。她又笑言近期最愛買餸，更親自種植香料和香草。問有否下廚給好友品嘗？她說：「最多六至八個人，西餐、中餐都識煮。」
提到早前紅姑相約劉嘉玲、關之琳食飯，是否由她親自下廚？紅姑笑說：「我哋出去食，我冇咁嘅本事。」她又稱享受一個人用膳，問會否希望有男友相伴？她說：「我都想，唔使自己煮。（男友要識煮嘢？）唔敢咁高要求。」她透露五、六月會舉辦慈善相展拍賣自己的作品。
薛凱琪唔飲牛蒡汁
Fiona在台上分享美容心得，她笑言母親每天早上都會榨不同果汁給她喝：「之前試過榨牛蒡汁畀我飲，飲咗一排冇飲，太難飲，好澀有腥草味。」問她有何必買潮流產品？Fiona表示平日衣着配搭會參考雜誌，但亦要視乎心情及是否適合自己。她又稱前晚欣賞了好友杜汶澤主演的電影《3D豪情》，問覺不覺阿澤有潛質成為AV男優？她說：「我唔知，我好少睇，冇得比較。」提到早前她在微博留言撐阿澤，卻被網民抨擊，阿澤更遭內地一位電影公司老闆封殺，她坦言不擔心被封殺：「我上年喺紅館開演唱會，有五成都係內地粉絲，佢哋唔會為咗一樣嘢而唔愛我。」
文：名人組