蔡少芬張晉孖住搵銀
藝人蔡少芬（Ada）和張晉昨日夫妻檔為健康食品拍攝廣告，身穿露背晚裝的Ada首次夫妻檔拍廣告特別興奮，一來收入較可觀，二來自己友親密點也不怕。張晉表示酬勞全歸老婆，Ada即說：「佢好少理錢銀嘢，投資都係我搞，佢搵錢我使錢，非常有默契！」
細女張信兒今日一歲生日，Ada已預早為愛女開P慶生：「不過我好心痛，佢塊面畀幾隻蚊針咗十二、三啖，我寧願啲蚊針我。」張晉卻取笑女兒說：「佢塊面腫晒，係心痛，不過都幾好笑。」他又表示最近食補肝丸，要「補腎」？Ada即代老公說：「佢個腎幾好，唔使補。（補完生多個？）我唔想生住，成日要縮肚好攰。」