張兆輝為仔推Job失千萬
張兆輝早前為無綫拍的劇集《神鎗狙擊》，於內地網站的點擊率逾五億，他即獲中央台賞識，以千萬高薪邀請他與14歲兒子一同到歐洲巡迴拍攝世界盃節目《Go巴西Goal》，希望可延續人氣節目《爸爸去哪兒》的氣勢。不過，輝仔剛接拍了杜琪峯新戲，亦不想影響兒子學業，遂忍痛將千萬推落海，改以嘉賓形式負責法國一站之拍攝，並邀請老友關禮傑助陣。
鬥法國國家隊
前晚輝仔與關禮傑現身機場，兩人都帶太太同行，提到損失賺千萬機會，輝仔自言檔期不合亦沒辦法，幸好都可去其中一站。熱愛足球的他更透露此行有機會與法國國家隊球員競技，感到十分興奮，他又自爆為此行苦練普通話：「今次要講普通話，係大挑戰！（要苦練？）係，一講得快就唔得。」問輝仔與關禮傑會否陪老婆購物？輝仔笑稱帶老婆去做助手：「叫佢去做吓助手。（去行街？）我去開工為主，呢啲留畀女士做啦。」
身為明星足球隊球員的輝仔與關禮傑又稱，希望球隊會於六月拉隊到巴西睇波，關禮傑則high爆稱今次可與法國國家隊練波，相信一定過足癮。
文：影視組