甄子丹培育宇宙更強
藝人任達華、甄子丹昨日出席新片《冰封俠重生之門》記者會，「宇宙最強」甄子丹更帶埋徒弟喻亢出場，更笑謂「我攰起上嚟唔夠佢打」，暗示喻亢勢變「宇宙更強」。
「宇宙最強」甄子丹昨日與任達華及喻亢出席新片《冰封俠重生之門》記招活動，據知該片拍攝兩年多，共有兩集，男主角之一的任達華半埋怨的笑謂：「唉，唔追都追咗兩年幾啦，好彩我keep得fit，拍咗兩個寒秋，追子丹都追咗兩年幾，追個女朋友都唔使追咁耐。」他提到自己的主要戲份集中在下集，又直言拍這套電影最辛苦，在香港拍完又要飛到外地取景，更試過患上肺炎而入院。
慢工出細貨
而子丹帶埋徒弟喻亢現身記招，對於任達華埋怨拍攝時間長，子丹說：「無埋怨，佢放咗好多感情，通常大製作都係拍得耐啲，任達華keep到咁fit，我就開工當做運動啦。」至於徒弟喻亢則已跟從他11年，子丹認為應該要給予機會新人，因此向導演及老闆介紹喻亢，被問到徒弟得到他幾多功力？他說：「我攰起上嚟唔夠佢打！」問到喻亢師傅甄子丹是否很嚴格？他說：「嚴格才對，才會有進步。」子丹認為最重要的是推動有潛質的新人，「宇宙最強」勢培育出「宇宙更強」！至於有傳子丹將以三千萬接拍《葉問3》，他則表示留待將來再說。
文：影視組