Rosemary巨鑽洩密隨時嫁
名模Rosemary與中印籍富商男友Jason拍拖四年多，感情穩定，前晚她在活動中被發現無名指上戴着巨型鑽戒，她承認兩人於去年5月已經訂婚，因男友想婚事低調，她亦不敢張揚，情路幾經波折的Rosemary終於修成正果！
前晚Rosemary、歌手連詩雅、名模傅嘉莉連同兩名師弟Eddy和Oscar出席名酒活動，Rosemary的男友Jason則低調入場。身穿藍色透視上衣的Rosemary透出內裏的黑bra，她表示男友亦在場，故十分安全。
跑馬拉松求婚
期間發現Rosemary左手無名指上戴着巨鑽戒指，問她是否訂婚戒？她笑不攏嘴說：「唔可以講，多謝大家！」幾經追問，Rosemary終於承認是訂婚戒指，但不肯透露鑽石卡數：「我知隻戒指幾多卡，但唔可以講，係男友為我特別度身訂造，用咗好多時間做。」至於求婚過程，她稱去年5月18日在長城跑馬拉松時，男友向她求婚：「佢好sweet，我哋有食飯慶祝訂婚，雙方家長同朋友都在場。（幾時結婚？）男友想低調處理婚事，暫時未知道日期，因為佢有好多工作喺手，而我都有生意做緊，所以比較忙。」
傅嘉莉畫手臂
同場的傅嘉莉（Kelly）花了四小時在師弟的手臂上畫畫，原本客戶想她在師弟的胸口繪畫，Kelly尷尬的說：「聽到佢哋心跳，我怕會手震。（會唔會想試人體彩繪？）女仔畫女仔就OK。（有冇諗過愛的紋身？）有，不過我做model有紋身唔係幾好。」至於連詩雅自爆曾想當調酒師，但母親認為危險令她打消念頭，問到有否發生醉酒瘀事？她說：「之前喺周柏豪演唱會慶功宴飲多兩杯，唔小心跌倒撞瘀咗隻腳囉！」
文：名人組