馬賽癲得恨演喜劇
藝人馬賽、陳法蓉及曹敏莉等昨於天水圍出席慧妍雅集活動，期間馬賽自爆好「恨」拍劇：「讀緊電影攝影工作坊，仲搵咗翟威廉做短片功課的model，（攝影功力有進步？）我變得過分奄尖同要求多多。（想鋪路轉戰幕後？）冇諗過。（擔心冇job？）會上綜藝節目。我好想有機會演喜劇，因為我份人好『癲得』！」
同場陳法蓉自稱Auntie及不抗拒姊弟戀：「我要識『富一代』吖嘛，不過年齡唔重要，最緊要錫唔錫我，同顧唔顧家。」慧妍雅集會長曹敏莉則稱忙於湊子女及籌備慈善晚宴。而她更是位「星星迷」，但只會隔住電視追金秀賢。